如果父母發現小朋友有社交困難，又出現重複同固執行為，建議盡早接受評估。不過，小朋友難免對「睇醫生」感到害怕，特別係自閉症兒童患者，對突如其來嘅改變，或者陌生嘅環境，都會表現得更抗拒。其實父母只需做一件事，就能夠緩和佢哋不安嘅情緒。
家長不妨喺求醫前數星期開始，嘗試為此事作出「預告」，話俾小朋友聽嚟緊會去邊度、見某某醫生、對方係男係女，到時嘅環境會係點，甚或到時會做咩訓練或者評估，一一提早告知。家長甚至可以之前先帶小朋友到附近環境視察一下，讓佢哋熟習環境。呢種「預告」係畀小朋友心底有個預算，減低到時可能出現嘅不安感，令整個評估及往後嘅訓練課程變得更順利。
