Autism譜系治療以行為訓練為主，目的旨在提升小朋友嘅社交動機，建立有效嘅溝通技巧，等小朋友更容易融入社交生活。唔同行為訓練模式各有好處，唯一共同點係治療必須及早展開，配合密集同持久訓練。
假設錯過行為訓練嘅治療時間，雖然並唔會好似坊間所講，會導致性格定型，但就好大機會出現社交缺損的自閉症特徵，成長後面對不同社交場合，未必能夠掌握他人所思所想，有礙人際關係發展。呢種影響係長遠，當佢哋長大後唔能夠成功結交朋友、工作因此變得不如意，甚或係感情生活容易出現挫折，都可能產生焦慮及其他情緒問題。反之，及早展開訓練，從小培養各種社交技巧，對將來影響自然更少。
家長記得應參考醫生意見，選擇適合子女嘅治療方案。對於一啲未經科學或臨床實證嘅治療，尤其入侵性治療，有機會對小朋友造成傷害，家長必須謹慎處理。
