迷思三︰自閉症小朋友腸道狀況異常？| 林嘉儀醫生

近年有唔少研究探討腸道環境與腦部發展嘅關係，當中有部份研究認為自閉症小朋友腸道益生菌狀況，與其他小朋友會有啲唔同，例如菌數或種類等。究竟小朋友能否透過補充相應益生菌，從而改善甚至逆轉自閉症病情呢？現時仍處於研究階段，醫學上暫時並沒有共識或具體治療方案。

不過，如果小朋友腸道健康欠佳，或會較容易肚瀉同肚痛，透過補充益生菌改善腸胃不適，亦不失為方法之一。但家長必須留意，要小朋友嘅自閉症徵狀有所改善，最有效方法依然係藉著行為訓練，改善佢哋嘅溝通及社交技巧，從而達到治療效果。