自閉症小朋友普遍會出現重複、固執行為同狹隘興趣，呢種情況如果未能及早糾正，對往後成長或會造成負面影響。以下列出4種行為問題嘅重點，家長可以多觀察子女日常行為，識別各種症狀。
重複行為︰
重複行為包括鍾意排列物品、開關櫃門、轉動車輪、重複背誦說話或問同一問題；自閉症小朋友亦鍾意重複身體動作，例如拍手、搖晃身體同自轉等等
拒絕日常改變︰
自閉症小朋友抗拒或較難接受新環境同新事物，無法適應生活上嘅轉變，偏愛千篇一律嘅遊戲方式，佢哋習慣跟隨刻板嘅常規同做事次序，傾向「一成不變」
狹隘興趣︰
自閉症小朋友較鍾意沉溺喺某一種或幾種刻板興趣，而且注意力很高，甚至過於沉迷，例如鍾意背誦巴士路線、地鐵站名、地圖同動植物等資料
感官反應異常︰
自閉症患者會對某啲聲音、質感，產生驚恐或者過份追求嘅反應，或者凝視光亮物件與或轉動嘅物件
