除了偏食問題，部份小朋友會喜歡隨意將食物以外嘅東西放入口，令家長大為頭痛。
曾經遇過有小朋友鍾意食頭髮，只要坐喺地下發現有頭髮，就會不期然執起然後放入口，而且更會抓斷媽媽嘅髮絲吞落肚。呢種行為問題如果唔及早糾正，長遠就會引發健康問題。由於頭髮進入人體後會被捲成毛球，愈捲愈大並堵塞腸道，引起嚴重腸胃不適。
要改善呢種「吞異物落肚」問題，行為訓練係相對有效嘅方法。當小朋友每次執起頭髮或異物準備吞下時，家長不妨利用其他事物例如玩遊戲，分散小朋友嘅注意力，令佢地暫時停止將其放入口。雖然呢種方法需要無比耐性同時間，但只要經過長期訓練，有關兒童行為問題通常會有明顯改善。
