小孩肚痛的常見原因有哪些呢？
其實小朋友肚痛的成因都有好多種的, 而當中腸胃炎是首要我們要考慮的因素, 因為始終如果腸道有菌的話會引發到腸絞痛, 小朋友就會感覺得到肚痛的情況; 至於其他常見令小朋友肚痛的原因包括便秘亦是一個常見引致小朋友肚痛的情況, 因為不能夠正常排走身體大便, 間接性就會出現一些腸絞痛的情況而引致肚痛
嚴重一些的情況譬如盲腸炎的話, 肚痛位置就會集中右邊下腹的位置, 有些小朋友會有高燒的情況出現, 即時要去睇醫生; 另外其他的感染包括可能的潛在尿道炎或者有些小朋友腸胃敏感痛的話譬如功課壓力焦慮, 亦都可用肚痛的方式表達到出的
所以如果小朋友無緣無故肚痛的情況, 一般會建議家長要帶小朋友去睇醫生
當小孩肚痛時，家長應留意哪些事項及如何護理小孩呢？什麽情況下需帶小孩求醫？
當小朋友有肚痛的情況時候, 作為家長亦都要適當去睇小朋友的情況, 包括有沒有其他的病徵例如發燒 嘔吐, 會不會有些肚瀉的情況出現, 肚痛的嚴重程度和肚痛位置亦都好緊要
小朋友成日投訴肚痛的情況越嚴重的話, 都應該快些去睇醫生
市面上止肚痛的西藥或中藥，對舒緩小孩肚痛有幫助嗎？服後會有副作用嗎？
我建議重點在於要查探出肚痛原因, 而適當去用藥就會好好多, 如果有少少肚痛而去買一些中成藥而不去查探原因的話, 有機會可能錯失一些嚴重疾病的治療機會
坊間有一些止肚痛的藥, 其實最主要舒緩腸絞痛的情況, 大致上有機會引致小朋友去大便有困難, 所以呢其實最緊要對症下藥
如果發現小朋友長期有些痛的情況, 要去睇醫生尋找原因
兒童腸胃炎的成因是什麽？除肚痛和腹瀉外，兒童腸胃炎還有其他症狀嗎？
小朋友腸胃炎最主要歸納為病毒性腸胃炎和細菌性腸胃炎
- 最常見病毒性腸胃炎就包括輪狀病毒或諾沃克病毒而引致的腸胃炎, 小朋友病徵首先會嘔吐, 肚屙, 大便大部分都比較水和有些肚漲的情況發生, 小朋友可能會持續有肚痛, 發燒和進食上胃口會有影響, 所以容易引致到脫水現象
- 細菌性腸胃炎病症同病毒性腸胃炎有少少不同, 細菌性腸胃炎包括了沙門氏菌類, 好多時會引致發燒, 嘔吐, 肚屙同時間出現, 留意小朋友的大便可能好稀爛之外會有一些粘液和時有些血絲, 建議早些去睇醫生, 可能要處方抗生素去對付細菌性腸胃炎, 尤其是兩歲以下小朋友
如何治療兒童腸胃炎？會否經常復發？
治療腸胃炎第一要找出原因, 譬如病毒性腸胃炎包括輪狀病毒或諾沃克病毒, 我們化驗大便, 如果發現有病毒性腸胃炎, 首先抗生素是幫不到, 亦沒有任何藥物可以處理, 我們一般要等腸胃慢慢復原, 治療腸胃炎最重要重點要看小朋友的水分, 最擔心他們胃口變差, 但同時不斷嘔吐, 會容易引致脫水現象, 慢慢更嚴重就會影響腎功能, 所以如果小朋友飲不到水又不想吃東西, 可能需要入醫院, 使用靜脈注射方式, 給予葡萄糖水來維持適當水分和糖分
至於如果是細菌性腸胃炎, 醫生就會處方適當藥物治療
